НИЙСЛЭЛИЙН ЗАСАГ ДАРГЫН ХЭРЭГЖҮҮЛЭГЧ АГЕНТЛАГ
АВТО ЗАМЫН ХӨГЖЛИЙН ГАЗАР
 
Яармагийн шинэ гүүр Жаргалантын авто зам, зогсоолын байгууламж Шадивлан зуслангийн авто зам Их тойруу, Сансарын туннелийн нүхэн гарц Олимпийн болон Их сургуулийн гудамжны уулзварыг нэгтгэж 4 замын уулзвар болгох ажил ХУД, Чингисийн өргөн чөлөөний төв зам дээгүүрх явган хүний гүүрэн гарц ХУД, Өлзийт хорооллоос Шувуун Фабрик хүртэлх 9.06км авто зам Яармагийн түр гүүрийн хоёр талын холбоос 0.5 км авто зам Дүнжингарав худалдааны төвөөс Улиастай гүүр хүртэлх 6км авто зам Улиастай-Гачууртын 11 км авто зам Дамбадаржаагийн уулзвар - Шарга морьтын төмөрбетон гүүр - Хандгайт чиглэлийн 16.35 км авто замын өргөтгөл, шинэчлэлт Нарны замыг 19-р хорооллын арын замтай холбох 1.5 км шинэ зам, 58 у/м гүүр, төмөр зам доогуурх 22 м туннел Яармагийн гүүр-Нисэхийн товчоо, Сонсголонгийн уулзвараас Яармагийн товчоо хүртэлх 13.6 км авто зам Төв цэнгэлдэх хүрээлэн орчмын гүүрэн гарц Сансарын туннелийн гудамж 0.5км авто замын шинэчлэлт Бээжингийн гудамжны 0.9км авто зам 74у/м гүүр Баянзүрхийн товчооноос Богд уулын араар Яармагийн гүүр хүртэлх 17.1км авто зам Зурагтын шинэ эцсийн буудлаас Баянхошууны уулзвар хүртэлх 4.6 км авто зам Хүчит шонхор захаас Хувьсгалчдын гудамжны уулзвар хүртэлх 1.7 км буюу Далан давхраас баруун тийш гэр хороолол дундуур барьсан авто зам Доржийн гудамж буюу Туул Жин Пангийн уулзвараас зүүн тийш Цайз зах хүртэлх 2.8 км авто замын өргөтгөл, шинэчлэлт СХД, 22-ын товчоо чиглэлийн 10.6 км авто замын өргөтгөл, шинэчлэлт ХУД, Биокомбинат – Шувуун фабрикийн 22.5 км авто замын өргөтгөл, шинэчлэлт СБД, Олимпийн гудамжны 1 км авто замын шинэчлэлт 22-ын товчоог салган Эмээлтийн шар хөтөл, Баруунтүрүүнд шинээр барьсан Шалган бүртгэх товчоод
 
 
 
 
 
 
 
 
 
 
 
 
 
 
 
 
 
 
 
 
 
 
 
 
ТУСЛАХ ЦЭС
 
ТАЙЛАН
 
САНАЛ АСУУЛГА
 
ЗАМЫН СҮЛЖЭЭ, МЭДЭЭЛЭЛ
 
FACEBOOK
 
TWITTER
 
ХАНДАЛТ
Нийт:
787924
 
Өнөөдөр:
358
 
Өчигдөр:
100
 
Сүүлийн 7 хоногт:
2611
 
Сүүлийн сард:
11620
 
Сүүлийн жилд:
185111
 
 
Мэндчилгээ

 

 

Эрхэм нийслэлийн  иргэд ээ!  Хүндэт Замчид аа!

 

Та бүхэндээ учран золгож буй XVII жарны “Алтан унжлагат” хэмээх гал тахиа жилийн сар шинэдээ элгээрээ энх амгалан, төрлөөрөө түвшин амгалан, сайхан шинэлэхийн   ерөөл өргөн мэндчилье.

Хаврын тэргүүн сарын шинийн нэгний Цагаан сар бол Монгол түмний хахир өвлийн жаврыг өнтэй давсны, урин хавартай энх золгосны баяр, ахас ихэсээ хүндлэн дээдэлж, элгэн саднаараа уулзан золгодог их баяр цэнгэл билээ.    Монголчууд бид улиран одож буй жилээ хийсэн бүтээснээ дүгнэн хэлэлцэж, угтан золгож буй жилээ  буян хишиг дэлгэр байг хэмээн ажил үйлс, зам мөрөө тэгшлэн, билэг ерөөл дүүрэн угтдаг сайхан уламжлалтай. Та бидний хамтын хүчээр Монгол Улсын гал голомт  Улаанбаатар хотын маань авто замын сүлжээ жилээс жилд өргөжин тэлж, засвар арчлалт сайжирч байгааг бахархан хэлэхэд таатай байна. Бид өвлийг өнтэй сайхан давж, урин хавартай золголоо. Ирж буй тахиа жилдээ төлөвлөснөө хэрэгжүүлж, Яармагийн шинэ гүүр барих, хуучин гүүрийг засварлах, Замын Цагдаагийн газрын ойролцоо гүүрэн гарц барих, Туул гол дээгүүрх Баянзүрх, Сонсголонгийн төмөр бетон гүүрийг шинээр барих, Гачууртын уулзвараас Налайх-Чойрын замын уулзвар хүртэлх 20.9 км авто замыг өргөтгөн шинэчлэх  зэрэг томоохон  төслүүдийн барилгын ажлыг эхлүүлэхээр бэлтгэл ажлыг хангаад байна. Улсын хөгжлийг авто замаар нь тодорхойл гэдэг билээ. Тиймээс нийслэлийн иргэд, нийслэлийн авто замаар зорчигч Монгол Улсын болон гадаад иргэдийн аюулгүй, ая тохьтой зорчих эрхийг хангахын төлөө хамтдаа зүтгэж,  “Аз жаргалтай Улаанбаатар”-таа амар амгалан, аз жаргалтай  амьдрах ерөөл өргөе. Айл хотол, ахан дүүсээрээ сэтгэл дүүрэн жаргалтай, хүсэл тэмүүлэл өөдрөг тэнүүн, ажил үйлс бүтэмжтэй, юу санасан есөн цагаан хүсэл нь биелэн, буян заяа нь булаг мэт ундарч, аз хийморьтой  байхын өлзийтэй ерөөлийг өргөн дэвшүүлье.

Та бүхний минь зам мөр нь тэгш, заяа буян нь дэлгэр сайхан байх болтугай,

Сар шинэдээ сайхан шинэлээрэй

Нийслэлийн Авто замын хөгжлийн газрын дарга Ж.Тогтохбаяр

 

 

 

Мэдээ мэдээлэл
Яргайтын богинын зуслан чиглэлийн 1,6 км авто замын өргөтгөл шинэчлэлтийн ажлын явц 85 хувьтай байна »2017-08-18

Концессийн гэрээгээр он дамжин хэрэгжиж байгаа  Чингэлтэй дүүргийн  19 дүгээр хороо, Яргайтын богинын зуслан чиглэлийн 1,6 км авто замын өргөтгөл шинэчлэлтийн ажлын явц 85 хувьтай байна. Өнөөдрийн байдлаар авто замын өнгө,  суурь хучилт, ус зайлуулах хоолой,  хэвтээ тэмдэглэлийг хийж, 7 метрийн өргөнтэй зорчих хэсгийг нээгээд байгаа юм.   Одоо  замын 2 талаар  1,5м явган хүний зам,  гэрэлтүүлгийн ажил хийгдэж байна.  Тус ажлыг 1679.0 сая төгрөгийн төсөвт өртгөөр  “Хакмс” ХХК гүйцэтгэж байгаа юм. Замыг 2017 оны 10 дугаар сарын 30-нд хүлээлгэж өгөх гэрээтэй ч хугацаанаас нь өмнө байнгын ашиглалтад оруулахаар ажиллаж байна  гэж Нийслэлийн Авто замын хөгжлийн газраас мэдээллээ.

 

Налайх дүүргийн Даваажав, Дамдин, Найрамдлын гудамжны замууд хугацаанаасаа өмнө ашиглалтад орно »2017-08-17

Нийслэлийн Авто замын сангийн хөрөнгө оруулалтаар Налайх дүүргийн гол замууд болох Даваажав, Дамдин, Найрамдлын гудамжны 1,3 км авто замын өргөтгөл шинэчлэлтийн ажлыг хийхээр болсон. Тус замын гүйцэтгэгчээр  “Эко тогтол” ХХК шалгарсан бөгөөд 2.8 тэрбум төгрөгийн төсөвт өртгөөр 2017 оны 10 дугаар сарын 01-нд хүлээлгэн өгөхөөр гэрээ байгуулжээ. Өнөөдрийн байдлаар ажлын явц 99 хувьтай байгаа бөгөөд хэвтээ тэмдэглэгээний ажил хийгдэж байна. Хуучин 2 эгнээ байсан авто замыг 14 метр өргөнтэй 4 эгнээ болгон шинэчилж, 3м өргөнтөй явган хүний зам, гадаргууны ус зайлуулах байгууламж, гэрэлтүүлэгийг цогцоор нь шийджээ. Эдгээр замууд нь  1970-аад онд ашиглалтад орсноосоо хойш өнөөг хүртэл шинэчлэлт хийгээгүй учраас зам бүхэлдээ эвдрэлд орж, хөдөлгөөний аюулгүй байдал алдагдаад байсан юм. Тиймээс  зорчигч, явган зорчигч болон хөгжлийн бэрхшээлтэй иргэдийн аюулгүй байдлыг хангах, зогсоолын хүртээмжийг сайжруулах зорилгоор энэххүү төслийг хэрэгжүүлж байгаа юм гэж Нийслэлийн Авто замын газраас мэдээллээ.

 

“Аялал жуулчлал”-ын замын ажил 60 хувийн гүйцэтгэлтэй байна »2017-08-16

Нийслэлийн төсвийн хөрөнгөөр 2017 онд Богдхан уулын дархан цаазат газарт Аялал жуулчлалын зориулалттай 2,05 км  авто замыг барихаар төлөвлөсөн. Үүний дагуу Хан-Уул дүүрэг,  Зайсангийн уулзвараас  Ар зайсангийн гудамж хүртэлх “Аялал жуулчлал”-ын замын өнгөн хэсгийн хучилтын ажил хийгдэж байна. Зорчих хэсэг нь 7 метр, явган хүний  зам нь 4.5 метрийн өргөнтэй, шинэ авто зогсоол бүхий   тус замын гүйцэтгэгчээр “Наранбулаг-Хан” ХХК ажиллаж байгаа бөгөөд өнөөдрийн байдлаар  60 хувийн гүйцэтгэлтэй байна. Богд хан ууланд  нийслэлийн иргэдийн аялах, амрах зориулалттай явган аяллын 3 чиглэл байдгаас  хамгийн том нь Зайсан-Дугуйцагаан-Баруун ширээтийн  чиглэл юм. Амралтын өдрүүдээр тус чиглэлд 5000- 10 000 иргэн аялдаг бөгөөд түүнийг дагаж 300-450 авто машин  Зайсангийн аманд бөөгнөрөл үүсгэдэг. 1975 онд баригдсан тус замд  нэг ч удаа засвар шинэчлэл хийгээгүй бөгөөд зориулалтын зам, тохижилт  байхгүйгээс иргэд хог хаях, замгүй газраар аялах, ил задгай бие засах зэргээр байгаль орчинд сөрөг нөлөө үзүүлж байгаа тул зориулалтын зам барихаар шийдвэрлэсэн юм гэж Нийслэлийн Авто замын хөгжлийн газраас мэдээллээ. 

 

Баянзүрх дүүргийн 14-р хорооны В хэсэгчилсэн талбайн авто замыг байнгын ашиглалтад өгөхөд бэлэн боллоо »2017-08-16

Нийслэлийн төсвийн хөрөнгө оруулалтаар он дамжуулан хэрэгжүүлж байгаа Баянзүрх дүүргийн 14 дүгээр хорооны нутаг дэвсгэрт В хэсэгчилсэн талбайн авто замын барилгын ажил бүрэн дуусч, байнгын ашиглалтад хүлээлгэн өгөхөд бэлэн боллоо. Тус зам нь Халдвартын эцсээс "Нарантуул" ОУХТ-ийн ар талын хаалга, “Цагаан хуаран” хотхон хүртэл нийт 1,2км-ийн урттай бөгөөд  7м өргөн, 2 талаараа 1,5м явган хүний зам, иж бүрэн гэрэлтүүлэгтэй юм. Гүйцэтгэгчээр “Лорд скай” ХХК, “Бумбат даваа” ХХК-ийн түншлэл шалгарч, нийт 986 сая төгрөгийн өртгөөр  гүйцэтгэсэн байна гэж Нийслэлийн Авто замын хөгжлийн газраас мэдээллээ.

 

Авто замын хөдөлгөөнийг түр хязгаарлана »2017-08-11

ХААИС-ын уулзварын өргөтгөл шинэчлэлтийн ажлын хүрээнд авто замын хучилтын ажлыг 2017 оны 08 дугаар сарын 12-ны 23:00 цагаас 2017 оны 08 дугаар сарын 14-ны 06:00 цагийн хооронд гүйцэтгэх тул тээврийн хэрэгслийн хөдөлгөөнийг хаах болсныг Нийслэлийн Авто замын хөгжлийн газраас мэдээлж байна. 

 

Авто замын хөдөлгөөнийг түр хязгаарлана »2017-08-10

Хан-Уул дүүргийн 11 дүгээр хороо, Аялал жуулчлалын 2,05 км авто замд суурь, хучилтын ажлыг хийх тул тээврийн хэрэгслийн хөдөлгөөнийг 2017 оны 08 дугаар сарын 12-ны өдрийн 23:00 цагаас 08 дугаар сарын 17-ны өдрийн 23:00 цагийн хооронд хаах болсныг Нийслэлийн Авто замын хөгжлийн газраас мэдээлж байна.

 

Авто замын хөдөлгөөнийг түр хязгаарлана »2017-08-08

Нийлэлийн замын сангийн хөрөнгө оруулалтаар хэрэгжиж байгаа СБД 5 дугаар хороо "Өгөөж чихэр боов" ХХК -ийн баруун урд уулзварын өргөтгөл шинэчлэлтийн ажлын хүрээнд асфальтбетон хучилтын ажлыг хийх тул Үндсэн хуулийн гудамж Сөүлийн гудамжны уулзварын тээврийн хэрэгслийн хөдөлгөөнийг 2017 оны 08 дугаар сарын 09-ний өдрийн 07:00 цагаас 2017 оны 08 дугаар сарын 11-ний өдрийн 07:00 цаг хүртэл хязгаарлахаар болсныг Нийслэлийн Авто замын хөгжлийн газраас мэдээлж байна.

 

ЭНЭ САРЫН 15-ААС БАРУУН 4 ЗАМААС ЗҮҮН 4 ЗАМ ХҮРТЭЛ #ЗҮҮН #ГАР #ТИЙШ #ЭРГЭДЭГГҮЙ #БОЛНО »2017-08-07

ЭНЭ САРЫН 15-ААС БАРУУН 4 ЗАМААС ЗҮҮН 4 ЗАМ ХҮРТЭЛ #ЗҮҮН #ГАР #ТИЙШ #ЭРГЭДЭГГҮЙ #БОЛНО

#Нийслэлийн төв зам буюу баруун 4 замаас зүүн 4 замын хооронд оргил цагт хөдөлгөөний нягтрал их болж, гол замын хөдөлгөөн уулзваруудын хооронд түгжирч, босоо замд нөлөөлдөг. Замын хөдөлгөөний зохицуулалтыг энгийн богино хугацаатай болгохын тулд гол замаас зүүн эргэх хөдөлгөөнийг хязгаарлаж, туслах зам руу шилжүүлэх шаардлага тулгарч буй юм. Ингэснээр гэрлэн дохио богино үеэр ажиллаж, гол болон туслах замын хөдөлгөөнийг ашигтайгаар нэвтрүүлэх юм. #Хөдөлгөөний #зохицуулалтыг энэ сарын 15-наас #хэрэгжүүлж эхлэнэ.

Зөвхөн чигээрээ болон баруун гар тийш эргэж болно. Зүүн гар тийш эргэх хөдөлгөөнийг үйлдэхдээ жолооч нар тойрог хэлбэр буюу блокын эргэлтэд шилжих шаардлагатай. Жолооч нар тойрог хэлбэрээр хөдөлгөөн хийхэд 600-800 метрийн тойрог хөдөлгөөн хийнэ. Хөдөлгөөний уг хязгаарлалтууд дэлхийн ихэнх хотод хэрэгждэг. Азийн хөгжлийн банктай хамтарч төв замын “BRT” хурдан автобусны үйлчилгээг Улаанбаатар хотод нэвтрүүлнэ. Нийтийн тээврийн хөдөлгөөн энэ чиглэлд явах учраас бид хөдөлгөөний хязгаарлалтыг хийж эхэлж байгаа юм.

Нийслэлийн гол замд зүүн тийш эргэх хөдөлгөөнийг хязгаарласнаар,

Энхтайваны өргөн чөлөөгөөр зөвхөн чигээрээ болон баруун гар тийш эргэх хөдөлгөөн нэвтрэх бөгөөд нэг чиглэлдээ 1400-1600 машин/цагт явна. Уулзварт нэвтрэх хүлээлтийн хугацаа багасч, шулуун нэвтрэх хөдөлгөөн саадгүй явж, гол замын хөдөлгөөний ачаалал буурч, хөдөлгөөн жигд тогтмол хурдтай нэвтэрнэ. Хотын төвийн замын хөдөлгөөний дундаж хурд, нийтийн тээврийн хурд нэмэгдэнэ. Гол замын ачаалал буурсанаар Бага тойруу болон босоо замын хөдөлгөөний дундаж хурд нэмэгдэнэ.
Хөдөлгөөний дундаж хурд нэмэгдэж, зогсолт, хүлээлтийн хугацаа буурсанаар төв замын дагуух агаарын болон дуу чимээний бохирдол буурна.
Олон улсын туршлагад ч мөн хотын төвийн гол замаас зүүн эргэх хөдөлгөөнийг хийлгэхгүй, томоохон хөдөлгөөний ачаалал ихтэй уулзварууд хөдөлгөөнийг гэрлэн дохионы зохицуулалтыг аль болох богино эргэлттэй зохицуулах замаар хүлээлтийн хугацааг хамгийн бага хэмжээнд байлгаж, төвийн хэсгийн хөдөлгөөнийг жигд хурдтайгаар нэвтрүүлдэг байна

 

Гарчиг Огноо Мэдээний төрөл 2017-08-04 11:11:41 Мэдээ Засах Устгах Авто замын хөдөлгөөнийг түр хязгаарлана »2017-08-04

Нийслэлийн замын сангийн хөрөнгө оруулалтаар хэрэгжиж байгаа СБД, 5 дугаар хороо, “Өгөөж чихэр боов” ХХК-ийн баруун урд уулзварын өргөтгөл, шинэчлэлтийн ажлын хүрээнд Үндсэн хуулийн гудамж Сөүлийн гудамжны уулзварын тээврийн хэрэгслийн хөдөлгөөнийг 2017 оны 08 дугаар сарын 07-ны өдрийн 07:00 цагаас 2017 оны 08 дугаар сарын 09-ны өдрийн 07:00 цаг хүртэл хязгаарлаж асфальтбетон хучилтын ажлыг хийж гүйцэтгэхээр “Эх голомтын илч” ХХК ажиллана гэж Нийслэлийн Авто замын хөгжлийн газраас мэдээлж байна.

 

Авто замын хөдөлгөөнийг түр хязгаарлана »2017-08-04

ХУД, Чингисийн өргөн чөлөөг Ажилчны гудамжтай холбосон авто замд Ус дамжуулах шугам шинэчлэх ажил хийгдэх болсонтой холбоотойгоор 2017 оны 08 дугаар сарын 04-ний 23:00 цагаас 2017 оны 08 дугаар сарын 05-ны 06:00 цагийн хооронд тээврийн хэрэгслийн хөдөлгөөнийг түр хугацаанд хаах болсныг Нийслэлийн Авто замын хөгжлийн газраас мэдээлж байна.